कम्पनी रजिस्टारकी सहायक रजिस्टार घुससहित पक्राउ

काठमाडौं । कम्पनी रजिस्टार कार्यालय त्रिपुरेश्वरकी सहायक रजिस्टार घुस रकमसहित पक्राउ परेकी छिन्। अख्तियार दुरुपयोग अनुसन्धान आयोगको टोलीले सहायक रजिस्टार गीता पन्थीलाई एक लाख घुससहित पक्राउ गरेको हो। रजिस्टारको कार्यालयमा दर्ता रहेको विद्यालयको कर तिर्नजाँदा कर रकम छुट गरिदिने भन्दै पन्थीले सेवा ग्राहीबाट एक लाख घुसलिन खोजेको भन्ने सूचनाको आधारमा पन्थीलाई घुस रकमसहित पक्राउ गरिएको आयोगका प्रवक्ता रामेश्वर दंगालले जानकारी दिए। पन्थीले घुस रकम आफ्नी छोरी पोषण पन्थीलाई राख्न दिएकी थिइन्। आमा छोरीलाई काठमाडौं(१४ स्थित एनएमबी बैंकको पार्किङबाट सोमबार पक्राउ गरिएको आयोगले जनाएको छ।