कंसाकारलाई कालोमोसो दल्ने पक्राउ

काठमाडौं । नेपाल वायु सेवा निगमका महाप्रबन्धक सुगरत्न कंसाकारलाई कालोमोसो दल्ने मोहन वैद्य नेतृत्वको नेपाल कम्युनिस्ट पार्टी क्रान्तिकारीका कार्यकर्तालाई प्रहरीले पक्राउ गरेको छ । पक्राउ पर्नेमा क्रान्तिकारी युवा लिगका कार्यकर्ता चन्द्रागिरी ४ का ३७ वर्षीय सुरेश तामाङ रहेका छन् । महानगरीय प्रहरी अपराध अनुसन्धान महाशाखाले शुक्रबार तामाङलाई थानकोटबाट आइतबार पक्राउ गरेको हो । वाइडबडी विमान प्रकरणमा घोटाला गर्न कंसाकारको मुख्य भुमिका रहेको भन्दै तामाङले कार्यकक्षमा गएर शुक्रबार कालोमोसो दलिएको थियो ।