कांग्रेसको विधान मस्यौदा सर्वसम्मतिले पारित

काठमाडौं । नेपाली कांग्रेसको संशोधित विधान मस्यौदा महासमिति बैठकबाट सर्वसम्मतिले पारित भएको छ । विधान पारित भएसँगै नौ दिन अघि सुरु भएको काँग्रेस महासमिति बैठक पनि समापन भएको छ । आजको महासमिति बैठकमा महासमिति सदस्यहरुले विधानका बारेमा राखेका जिज्ञासाको सभापति शेरबहादुर देउवाले जवाफ दिएका थिए । सभापति देउवाको जावफपछि महासमिति सदस्यहरुले टेवल ठटाएर समर्थन गरेका थिए । आजको बैठकमा सभापति देउवाले विधान मस्यौदाका साथै महासमिति बैठकमा पेश भएका राजनीतिक, सांगठानिक, आर्थिक र लेखा प्रतिवेदनमा सहभागिहरुले उठाएको प्रश्नको जवाफ दिएका थिए । संघीय संरचना अनुसार पार्टीका संरचना बदल्न काँग्रेसले विधान संशोधन गरेको हो ।