- Loading...
स्ववियु निर्वाचनका लागी सुरक्षा व्यवस्थाकोनिर्देशन
- गोल्डेन खबर
- ७ साल अघि
- ९८ पटक पढिएको
![Post Thumbnail](https://www.goldenkhabar.com/wp-content/themes/goji-2023/img/default.png)
काठमाडौं—उपप्रधान तथा गृहमन्त्री विमलेन्द्र निधिले यही फागुन १४ गतेका लागि निर्धारण गरिएको स्वतन्त्र विद्यार्थी युनियन (स्ववियु) को निर्वाचनका लागि सुरक्षा व्यवस्था मिलाउन निर्देशन दिएका छन् ।
निर्वाचनसंग सम्बन्धित निकायसंगको छलफलका क्रममा उपप्रधानमन्त्री निधिले (स्ववियु) निर्वाचनमा अख्तियार गर्नुपर्ने सुरक्षाका विषयबारे तीनवटै सुरक्षा निकायका प्रमुखलाई निर्देशन दिएका हुन् । उनले समयमै स्ववियु निर्वाचन गर्ने विषयमा विभिन्न राजनीतिक दलका सबै नेतासंग छलफल भइरहेको जानकारी दिदैं त्रिभुवन विश्वविद्यालयका उपकुलपति डा तीर्थ खनियाले तोकिएकै समयमा निर्वाचन सम्पन्न गर्नुपर्नेमा जोड दिए ।
स्ववियु निर्वाचन निर्धारित समयमै गराउनेबारे बुधबार प्रधानमन्त्री निवास बालुवाटारमा प्रधानमन्त्री पुष्पकमल दाहाल, नेपाली कांग्रेसका सभापति शेरबहादुर देउवा, नेकपा (एमाले) का अध्यक्ष केपी शर्मा ओलीबीच छलफल भएको थियो ।
स्ववियु निर्वाचनका लागि सहयोग गर्ने शीर्ष नेताको प्रतिबद्धता
स्वतन्त्र विद्यार्थी युनियनको निर्वाचन तोकिएको समयमै सम्पन्न गराउने विषयमा प्रमुख तीन दलका शीर्ष नेता, त्रिभुवन विश्वविद्यालयका पदाधिकारी र विद्यार्थी प्रतिनिधिबीच छलफल भएको छ ।
प्रधानमन्त्री निवास बालुवाटारमा भएको छलफलमा प्रधानमन्त्री पुष्पकमल दाहाल, नेपाली कांग्रेसका सभापति शेरबहादुर देउवा, नेकपा (एमाले) का अध्यक्ष केपी शर्मा ओली, त्रिभुवन विश्वविद्यालयका उपकुलपति डा तीर्थ खनियां लगायत पदाधिकारी र तीन दल निकटका विद्यार्थी प्रतिनिधिको सहभागिता थियो ।
छलफलमा प्रधानमन्त्री दाहालले तोकिएको मितिमा स्ववियु निर्वाचन सम्पन्न गराउन सरकारकातर्फबाट सहयोग गरिने बताए । उनले स्ववियु निर्वाचन भएपछि स्थानीय तहको निर्वाचनका लागि पनि मनोवैज्ञानिक प्रभाव पार्ने बताउँदै यसले देश निर्वाचनतिर जाने वातावरण बन्ने विचार व्यक्त गरे ।
कांग्रेस सभापति शेरबहादुर देउवाले फागुन १४ मै स्ववियु निर्वाचन गर्न क्याम्पसमा तालाबन्दी गर्ने समूहलाई खोल्न अनुरोध गरिने र नमाने ताला फोडेर निर्वाचनको प्रक्रिया सुरु गरिने बताए ।
एमाले अध्यक्ष ओलीले स्ववियु निर्वाचन सार्दा पार्टीले घोषणा गरेको मेची महाकाली अभियानलाई असर पुग्ने भएकाले फागुन १४ मै चुनाव गरिनुपर्नेमा जोड दिएका थिए ।
छलफलमा त्रिभुवन विश्वविद्यालयका पदाधिकारीले फागुन १४ मा स्ववियु निर्वाचन गराउने वातावरण बनाइदिन शीर्ष नेतासंग सहयोग माग गरेका थिए ।