अमेरिकाको शौचालयमा देवीदेवताको तस्विर

काठमाडौं । अमेरिकाको एक शौचालयमा देवीदेवताका चित्र राखिएको तस्विर सार्वजनिक भएपछि हिन्दु धर्मालम्बीहरूले आपत्ति जनाएका छन्। अमेरिकाको न्यूयोर्कस्थित हाउस अफ एस नामक नाइट क्लबमा हिन्दू देवीदेवताका तस्विर राखिएका छ ।

ती तस्विरहरू अमेरिकाको ओहायो राज्यमा बस्ने भारतीय मूलकी एक अमेरिकी महिला अंकिता मिश्राले आफ्नो इन्स्टाग्राम पोस्ट र ब्लगमा फोटो र भिडियो सार्वजनिक गरेकी हुन्। मिश्रा सो नाइटक्लबमा गएकी थिइन्।

त्यहाँको भीआईपी बाथरुम प्रयोग गर्ने क्रममा ट्वाइलेट पेपर निकाल्न लाग्दा देवताको चित्र देखेको उनले जनाएकी छन्। त्यहाँ गणेश, सरस्वती, काली र शिवका तस्विरहरू राखिएका थिए। उनले त्यो नाइट क्लबलाई इमेलमा अन्सन्तुष्टि पोखेपछि सो क्लबले क्षमा मागेको छ।

गोल्डेन खबर