अमेरिकामा आगलागी १ हजार बेपत्ता, ५८ को मृत्यु

एजेन्सी । अमेरिकाको क्यालिफोर्नियामा भएको आगलागीका कारण अहिलेसम्म एक हजार भन्दाबढी जनता बेपत्ता भएका छन्। आगलागीमा शनिबारसम्म ५८ जनाको मृत्यु भएको बताइएको छ।

जंगलमा लागेको भीषण डढेलोका कारण यसअघि गत बिहीबारसम्ममा ६ सयभन्दा बढी बेपत्ता भएको बताइएपछि शुक्रबार एक हजार पुगेको जनाइएको छ। उद्धारकर्ताले पछिल्लो समयमा थप आठ जनालाई मात्रै उद्धार गर्न सफल भएको जानकारी दिएका छन्।

खोजी अझै जारी रहेकाले मृतकको सख्या बढ्नसक्ने अनुमान गरिएको अधिकारीले बताएका छन्। अहिलेसम्म यस आगलागीका कारण कम्तीमा ६३ जनाको मृत्यु भइसकेको छ। यही नोभेम्बर ८ मा उत्तरी क्यालिफोर्नियाको जंगलमा अकस्मात आगो सल्किएको र प्रतिकूल मौसमका कारण द्रुतगतिमा फैलिएको थियो।

डढेलोबाट जंगल आसपासमा ठूलो मात्रामा भौतिक सम्पत्तिको क्षति भएको र त्यसको पुनःनिर्माणका लागि केही वर्ष लाग्ने बताइएको छ।

गोल्डेन खबर