विकासका काममा एकजुट भएर लाग्न काग्रेस नेता सिंहको आग्रह

काठमाडौं । नेपाली काङ्ग्रेसका नेता प्रकाशमान सिंहले देशको विकास निर्माणका लागि कसको सरकार र कुन पार्टी भन्ने नहेरी सबै एकजुट भएर लाग्नुपर्ने बताएका छन् ।मध्यपुरथिमिमा आयोनित कार्यक्रममा उनले विकासका लागि सरकार र पार्टी हेर्न नहुने बताए ।

जनताका लागि सबभन्दा शक्तिशाली सरकार भनेको स्थानीय सरकार नै हो भन्दै उनले केन्द्रीय सरकारमा जस्तो कमजोरी स्थानीय सरकारमा हुन नहुने बताए । उनले आफ्नो ठाउँको विकास गर्दै जनताको मन जित्ने अवसरबाट जनप्रतिनिधि चुक्न नहुने धारणा राखेका छन ।

नगरपालिकाको फोहर व्यवस्थापन ठूलो चुनौती बन्दै आएको बताउँदै नेता सिंहले घरघरबाट निस्किएका फोहरलाई जनताकै सहभागितामा रिसाइकल गरी पुनःप्रयोगमा ल्याउन मिल्ने तथा कुहिनेबाट कम्पोष्ट मल बनाउने कामको थालनी स्थानीय सरकारले गर्नुपर्ने भनाइ राखेका छन ।

गोल्डेनखबर