बंगबन्धु गोल्डकपमा प्यालेस्टाइन विजयी

काठमाडौं । बंगलादेशमा भएको बंगबन्धु गोल्डकप फुटबलको उपाधि प्यालेस्टाईनले जितेको छ। साबिक च्याम्पियन नेपालको समूहमा रहेको प्यालेस्टाइनले अर्को दाबेदार ताजिकिस्तानलाई पेनल्टी सुटआउटमा पराजित गर्दै उपाधि जितेको हो।

प्रतियोगिताको ५० औ संस्करणको रोचक फाइनलमा निर्धारित तथा अक्तिरिक्त समयमा पनि दुवै क्षेत्रबाट गोल हुन नसकेपछि खेलको निर्णय पेनल्टी सुटआउटबाट लिएको थियो। प्रतियोगिताको एक मात्र अपराजित टोली रहँदै प्यालेस्टाईन च्याम्पियन बनेको हो।

ढाकाको बंगबन्धु नेश्नल स्टेडियममा भएको फाइनलमा प्यालेस्टाईनले ताजकिस्तानलाई ४–३ गोल गरेको थियो। समूह चरणमा समेत प्यालेस्टाईनले ताजकिस्तानलाई हराएको थियो।