- Loading...
साठी हजार महिला श्रमिक मनोरञ्जन क्षेत्रमा
- गोल्डेन खबर
- ७ साल अघि
- ७४ पटक पढिएको
![manoranjan साठी हजार महिला श्रमिक मनोरञ्जन क्षेत्रमा](https://www.goldenkhabar.com/wp-content/uploads/2017/06/manoranjan.jpg)
काठमाडौँ- असार । देशभर साठी हजार महिला श्रमिक मनोरञ्जन क्षेत्रमा काम गर्ने गरेका छन् ।
चेतना अभिवृद्धि केन्द्र ९क्याप० नेपालले गरेको अध्ययनमा देशभर तीन हजार ५०० मनोरञ्जन क्षेत्रमा ६० हजार महिला श्रमिक काम गर्ने गरेका छन् । अध्ययनमा काठमाडौँको गोँगबु, कलङ्की, सुन्धारा, ठमेल साथै पोखरा, विराटनगर, नेपालगञ्जलगायत ठूला सहरमा रहेका होटल, रेष्टुराँ, दोहोरी, डान्सबारमा धेरै महिला श्रमिकले काम गरिरहेका छन् ।
घरको आर्थिक अवस्था कमजोर भएका कारण कतिपय महिला उक्त क्षेत्रमा लागेको क्याप नेपालले जनाएको छ । मनोरञ्जनको क्षेत्रमा काम गर्ने कतिपय महिला श्रमिक यौन शोषणको सिकार बन्ने गरेकोमा उनीहरुलाई कसरी सम्मानित जिवन ज्ञापन गराउने बिषयमा क्याप नेपालले विगत १४ वर्षदेखि क्याप नेपालले काम गरिरहेको छ ।
धेरै होटल, रेष्टुराँ, दोहोरी, डान्सबार भएको क्षेत्र टोखा नगरपालिकाको गोँगबु क्षेत्रमा काम गर्ने महिलाहरुको हक अधिकारका लागि क्याप नेपालले आज टोखाका जनप्रतिनिधिसँग अन्तक्र्रिया कार्यक्रम आयोजना गरेको छ । सो कार्यक्रममा टोखा नगरपालिकाका प्रमुख प्रकाश अधिकारीले अशिक्षा, बेरोजगार र चेतनाका कारण कतिपय महिला यौन हिंसाका सिकार बन्न पुगेको भन्दै यसलाई निरुत्साहित गर्न आफूहरु लाग्ने प्रतिबद्धता व्यक्त गर्नुभयो ।
उहाँले भन्नुभयो, “बालहिंसा, महिला हिंसा, छाडा चौपाया नियन्त्रण आफ्नो प्राथमिकता हो ।”
उपप्रमुख ज्ञानमाया डङ्गोलले महिला हिंसा र बाल श्रमको प्रयोग कहाँ कसरी भइरहेको छ भन्ने बारे नगरपालिकाले तथ्याङ्क सङ्कलन गर्ने र बाल श्रममा लगाउने तथा महिला हिंसा गर्नेलाई कडाभन्दा कडा कारबाही गरिने बताउनुभयो ।
क्याप नेपालका अध्यक्ष भुपाल ढकालले आफ्नो संस्थाले १४ वर्षदेखि बाल हिंसा र महिला हिंसाको क्षेत्रमा काम गरेको उल्लेख गर्दै २५ जनालाई उद्धार गरी पुनःस्थापना केन्द्रमा राखिएको बताउनुभयो । भूकम्पपछि रोजगारको समस्याका कारण विभिन्न सहरभित्र भित्रिएका महिला तथा बालबालिका बढी हिंसाको सिकार बन्न पुगेको क्याप नेपालले जनाएको छ ।