- Loading...
तेह्रथुममा नेकपा मालेको उम्मेदवारी घोषणा
- गोल्डेन खबर
- ७ साल अघि
- ८५ पटक पढिएको
![Post Thumbnail](https://www.goldenkhabar.com/wp-content/themes/goji-2023/img/default.png)
तेह्रथुम, ३१ चैत । नेपाल कम्प्युनिस्ट पार्टी मालेले तेह्रथुमका छवटै स्थानीय तहको प्रमुख पदमा उम्मेदवारी घोषणा गरेको छ ।
बुधबार पार्टीका जिल्ला सचिव यमनाथ दाहालले एक प्रेस विज्ञप्ति जारी गर्दै जिल्लाका छवटै स्थानीय तहको निर्वाचनमा प्रमुख पदका उम्मेदवारको घोषणा गरेका हुन् ।
मालेले म्याङलुङ नगरपालिकाको मेयरमा डिल्ली बुढाथोकी र लालीगुराँस नगरपालिकाको मेयरमा छत्रबहादुर लिम्बूलाई उठाएको छ ।
यस्तै, मेन्छ्यायेम गाउँपालिका प्रमुखमा थानेश्वर घिमिरे, छथर गाउँपालिका प्रमुखमा माधव दाहाल, फेदाप गाउँपालिका प्रमुखमा भक्त रेग्मी र आठराइ गाउँपालिका प्रमुखमा कमल सिटौलाले उम्मेदवारी दिने विज्ञप्तिमा जनाइएको छ ।
मालेले छवटै स्थानीय तहका उपप्रमुख र वडाध्यक्षको समेत छिट्टै उम्मेदवारी घोषणा गर्ने भनेको छ । जिल्लामा अन्य ठूला दलले भने उम्मेदवारी घोषणा गरेका छैनन् ।