- Loading...
त्रिभुवन विश्वविद्यालयलाई अख्तियार दुरुपयोग अनुसन्धान आयोगको निर्देशन
- गोल्डेन खबर
- ७ साल अघि
- ८७ पटक पढिएको
![Post Thumbnail](https://www.goldenkhabar.com/wp-content/themes/goji-2023/img/default.png)
त्रिभुवन विश्वविद्यालयमा देखिएको समस्या समाधान गर्ने बिषयमा अख्तियार दुरुपयोग अनुसन्धान आयोग र विश्वविद्यालयका पदाधिकारीबीच छलफल भएको छ ।
आयोगको कार्यालय टङ्गालमा आज भएको छलफलमा आयोगका पदाधिकारीले विश्वविद्यालयसँग सम्बन्धित गुनासा र विसङ्गति नियन्त्रण एव्म न्यूनीकरण गर्नका लागि व्यवस्थापकीय चुस्तता र शैक्षिक गुणस्तर सुधार गर्नेतर्फ लाग्न विश्वविद्यालयलाई निर्देशन दिइएको छ ।
शैक्षिक उन्नयनमा त्रिविविले निर्वाह गरेको भूमिकाको प्रशंसा गर्दै आयोग पदाधिकारीले त्रिविवि र मातहतका निकायमा आर्थिक अनुशासन र पारदर्शिता कायम राख्दै विवादरहित तवरले काम गर्न र शैक्षिक गुणस्तर कायम राख्नसमेत ध्यानाकर्षण गराउनुभएको आयोग प्रवक्ता जीवराज कोइरालाले जानकारी दिनुभयो ।
त्रिविविमा हुनसक्ने विकृति तथा विसङ्गति उपर आयोगको निरन्तर निगरानी रहने र व्यवस्थापकीय सुधार गरी शैक्षिक एवम् व्यावसायिक गतिविधिका लागि केन्द्रित रहनुपर्नेमा आयोग पदाधिकारीले जोड दिइएका छन् ।
छलफलमा त्रिविविका पदाधिकारीको उपस्थिति रहेको थियो ।