- एमाले सांसद रघुजी पन्तद्वारा राप्रपाका सांसद शाहीलाई लक्ष्य गर्दै बहस गर्ने हो भने इतिहास पढेर आउन आग्रह |
- केही नेता उत्पादन गर्न लाखौं विद्यार्थीहरूको भविष्य जोखिममा पारियोः स्वर्णिम वाग्ले |
- मुम्बई इन्डियन्सले जित्यो दोश्रो पटक महिला प्रिमियर लिग (डब्लुपिएल) को उपाधि |
- राप्रपा केन्द्रीय कार्य सम्पादन समितिको बैठक बस्दै |
- प्रतिनिधि सभा बैठक बस्दै, यस्ता छन् कार्यसूची |
प्रदीप खड्काको जन्मदिनको अवसर पर्दै ‘पिताम्बर’ को दोस्रो टिजर सार्वजनिक (भिडिओ)
- गोल्डेन खबर
- ६ दिन अघि
- १६ पटक पढिएको

मल्टिस्टारर फिल्म ‘पिताम्बर’ को दोस्रो टिजर सार्वजनिक गरिएको छ।
फिल्मका प्रमुख कलाकार अभिनेता प्रदीप खड्काको जन्मदिनको अवसर पारेर निर्माण पक्षले सोमबार टिजर सार्वजनिक गरेको हो।
प्रदीपको फिल्ममा रहेका दृश्यहरूलाई मात्र समावेश गर्दै टिजर ल्याइएको हो। जसमा अधिकांश दृश्य एक्सनका छन्। प्रदीपले ‘पिताम्बर’ मा विभिन्न समयमा दिएका एक्सन दृश्यलाई टिजरमा राखिएको छ। टिजर हेर्दा यो फिल्मका लागि प्रदीपले निकै मेहनत गरेको अनुमान गरिएको छ।
कृषा चौलागाईं निर्देशित फिल्मको यसअघि सार्वजनिक टिजर र गीत ‘म त फ्यान भए यार’ ले दर्शकमाझ चर्चा पाइरहेको छ।
केपी फिल्मस् र पुरूषोत्तम प्रधान फिल्मस्को व्यानरमा निर्माण भएको ‘पिताम्बर’ मा प्रदीपसहित दयाहाङ राई, सौगात मल्ल, आर्यन सिग्देल, अनुपविक्रम शाही, सुरक्षा पन्त, सुपुष्पा भट्ट, दिव्या रायमाझी, गौरी मल्ल, रविन्द्र झा, प्रमोद अग्रहरि, कामेश्वर चौरासिया, टिका पहाडी, सुलभ पहाडी, सुरवीर पण्डित, विशाल पहाडी, दिव्यदेव पन्त, गौरव विष्ट, आशिष पुरुष, ललित विष्ट, किशोर भट्ट, विनोदकुमार पौडेल, नारायण काफ्ले, रविन्द्र भट्टराई लगायतको अभिनय छ।
फिल्ममा बाल कलाकार आर्नव घिमिरे, प्रयुस दत्त सुवेदी, आध्या लामिछाने, आरोह चौलागाईं र सुप्रोल बुढाथोकी (अनमोल)ले समेत अभिनय गरेका छन्।
यो फिल्मको निर्माता विशाल चौलागाईं हुन् भने पुरुषोत्तम प्रधान, आध्या लामिछाने र आरोह चौलागाईं सह–निर्माता, सुमन गौतम कार्यकारी निर्माता छन्। फिल्ममा प्रदीप भारद्वाज र अभिमन्यु निरवीको पटकथा र संवाद, पुरूषोत्तम प्रधानको डीओपी, शेरबहादुर लामा र मानकृष्ण महर्जनको छायांकन, बन्दे प्रसादको सम्पादन, आशिष अविरल र बाबुल गिरीको संगीत, हिमाल केसीको द्वन्द्व छ।
‘पिताम्बर’ नयाँ वर्षको अवसर पारेर चैत २९ गतेदेखि प्रदर्शनमा आउने तयारीमा छ।
यसलाई नेपालमा आरआर फिल्मस्ले वितरण गर्दैछ।