गिलको शतकमा भारतको विजयी सुरुवात

शुभमन गिलको नटआउट शतकसँगै भारतले च्याम्पियन्स ट्रफीमा विजयी सुरुवात गरेको छ।

युएईमा बिहीवार बंगालादेशलाई ६ विकेटले हराउँदै भारतले जितका साथ च्याम्पियन्स ट्रफीको यात्रा सुरु गरेको‌ हो।

२ सय २९ रनको सामान्य लक्ष्य पछ्याएको भारतले ४६.३ ओभरमा ४ विकेट गुमाउँदै २ सय ३१ रन जोडेर जित निकाल्यो।

१ सय ४४ रन जोड्दा चौथो विकेट गुमाउँदै दबाबमा परेको भारतलाई ओपनर गिल र केएल राहुलले सम्हालेका थिए। राहुल ४१ रनमा नटआउट रहे।

१ सय २९ बल खेलेका गिलले ९ चौथो र २ छक्का प्रहार गरे। अर्का ओपनर तथा कप्तान रोहित शर्माले ३६ बलमा ७ चौकासहित ४१ रन, विराट कोहलीले २२, श्रेया ऐयरले १५, अक्षर पटेलले ८ रन बनाए ।

बंगालादेशका रोसिद होसेनले २, तस्किन अहमद, मुस्ताफिजुरले समान १ विकेट लिए। त्यसअघि टस जितेर पहिला ब्याटिङ गरेको बंगालादेश ४९.४ ओभरमा सबै विकेट गुमाएर २ सय २८ रन बनाएको छ।

बंगालादेशका तोहिद ह्रदोयको शतक प्रहार गरे। जसले अलीले ६८ , ओपनर तान्जित हसनले २५ रन बनाए ।
भारतका मोहम्मद सामीले ५ , हर्षित राणाले ३ र अक्षर पटेलले २ विकेट लिए।