भारतलाई हराउँदै श्रीलंकाले जित्यो महिला एसिया कपको उपाधि

काठमाडौँ । भारतलाई हराउँदै श्रीलंकाले नवौँ महिला एसिया कपको उपाधि जितेको छ । गत संस्करणमा भारतले श्रीलंकालाई ८ विकेटले हराउँदै उपाधि जितेको थियो । एसिया कपमा श्रीलंका र भारतको फाइनलमा भेट यो पाँचौं पटक हो ।

आइतबार डम्बुला क्रिकेट रंगशालामा भारतले दिएको १६६ रनको विजयी लक्ष्य श्रीलंकाले १८ दशमलव ४ ओभरमा २ विकेटको क्षतिमा पूरा गर्‍यो ।

२००४ यता सुरु भएको महिला एसिया कपमा २०१८ को सिजनमा भारतलाई ३ विकेटले हराउँदै बंगलादेशले उपाधि जितेको थियो । त्यसबाहेक २००४, २००५, २००६, २००८, २०१२, २०१६ र २०२२ को उपाधि भारतले जितेको थियो ।