रास्वपाका मन्त्रीहरूले आज राजीनामा दिने तयारी

काठमाडौं । राष्ट्रिय स्वतन्त्र पार्टी (रास्वपा)का मन्त्रीहरूले बिहीबार राजीनामा दिने तयारी गरेका छन् । बुधबार नै राजीनामा दिने भनिएपनि केन्द्रीयसमितिको बैठकको कारण सम्भव नभएको एक नेताले जानकारी दिए।

नेकपा एमालेको तर्फबाट प्रधानमन्त्री पुष्पकमल दाहाल ‘प्रचण्ड’ नेतृत्वको सरकारमा सहभागी  मन्त्रीहरूले हिजै राजीनामा दिएका छन् । साथै, एमालेले आफ्नातर्फबाट सरकारलाई दिएको समर्थनसमेत फिर्ता लिएको छ ।

आज रास्वपाबाट सरकारमा सहभागी रहेका मन्त्रीहरूले समेत राजीनामा दिने भएका हुन् । रास्वपाले एमाले–कांग्रेसको सरकारमा नजानेर प्रतिपक्षको भूमिकामा रहने निर्णय गरेको छ ।

हालको सरकारमा रास्वपाका सभापति रवि लामिछाने उपप्रधानमन्त्री तथा गृहमन्त्री, उपसभापति डोलप्रसाद अर्याल श्रम तथारोजगारमन्त्री, सुमना श्रेष्ठ शिक्षामन्त्री र विराजभक्त श्रेष्ठ युवा तथा खेलकुदमन्त्री छन् ।

एमालेले सोमबार राति नेकपा माओवादी केन्द्रसँग गठबन्धन तोडी नेपाली कांग्रेससँग राष्ट्रिय सहमतिको सरकार बनाउने सहमति गरे संगैप्रचण्ड सरकार संकटमा परेको थियो ।