लालीगुराँस सहकारीका सीईओ भण्डारी पक्राउ

काठमाडौँ । ललितपुरस्थित लालीगुराँस बहुउद्देश्यीय सहकारी संस्थाका प्रमुख कार्यकारी अधिकृत (सीईओ) सुरेन्द्र भण्डारी पक्राउ परेका छन् । उनले वचतकर्ताको रकम अपचलनको आरोप छ ।

नेपाल प्रहरीको उपत्यका अपराध अनुसन्धान कार्यालयको टोलीले काठमाडौंको विशालनगरबाट पक्राउ गरेको हो । यो सहकारीले वचतकर्ताको करिब ६ अर्ब रुपैयाँ अपचलन गरेको छ । यो सहकारीलाई भूमि व्यवस्था, सहकारी तथा गरिबी निवारण मन्त्रालयले २९ फागुन २०८० मा समस्याग्रस्त सहकारी घोषणा गरेको थियो ।