- Loading...
पर्यटकीय क्षेत्र देवचुलीमा पर्यटन पूर्वाधार बनाउन माग
- गोल्डेन खबर
- ७ साल अघि
- १०७ पटक पढिएको
![Post Thumbnail](https://www.goldenkhabar.com/wp-content/themes/goji-2023/img/default.png)
नवलपरासी, २३ फागुन । एक दशक अघिदेखि पूर्वाधार निमार्णमा स्थानीय प्रयास सुरु भए पनि सरकारी ध्यान नपुग्दा जिल्लाको माथिल्लो उचाइमा रहेको पर्यटकीय थलो देवचुलीमा पूर्वाधार बन्न सकेको छैन ।
देवचुली संरक्षण र पर्यटकीय क्षेत्र विकास समितिका अध्यक्ष पदमराज गिरीका अनुसार धार्मिक रुपमा तीनकन्या माईको मन्दिर, बाइसे–चौबिसे राजा रुद्र सेनको दरबार रहेको ऐतिहासिक ठाउँको पूर्वाधार विकासमा राज्यले ध्यान नदिँदा पर्यटकीय महत्व बोकेको ठाउँ नै ओझेलमा परेको हो । थारु र मगर समुदायको घनिष्ट सांस्कृतिक सम्बन्ध रहेको देवचुली क्षेत्र हो ।
महाभारत पर्वत शृङ्खलाको १९३६ मिटर उचाइमा रहेको देवचुली डाँडा आफैँमा प्राकृतिक मनोरम दृश्य बोकेको स्थल हो । त्यसमा १८०० मिटर उचाइमा ठूलो ऐतिहासिक गुफा छ ।
महाभारत पवर्त शृङ्खलालाई पर्यटकीय स्थलको रुपमा विकास गर्न झेरीखण्डेमा मगर सङ्ग्रहालय, देवचुलीमा तीनकन्यामाईको मन्दिर, रुद्रपुरमा शान्ति पार्क, रुद्र सेनको दरबारको भग्नावशेष संरक्षणलगायतका योजना स्थानीय स्तरबाट अघि सारिएको भए पनि पूर्वाधारको लागि सरकारी ध्यान नहँुदा काम हुन नसकेको गिरीको भनाइ छ ।
यो ठाउँमा पर्यटकीय पूर्वाधार विकास हँुदा स्थानीयको रोजगारसँगै गरिबी निवारण सहयोग पुग्ने अपेक्षाले आफूहरुले स्थानीय स्तरमा नयाँ कार्यक्रम बनाएर जान लागेको अर्खलाका देवबहादुर सुस्लिङको भनाइ छ ।
देवचुलीको विकासले नवलपरासीको सुन्दरता थप्ने छ । स्थानीय निकाय र केन्द्रीय स्तरबाट यो ठाउँको विकासमा ध्यान दिँदा १० गाविसका स्थानीय बासिन्दाको आयस्तर बढ्छ । एकातिर ठाउँको चिनारी अर्कोतिर रोजगारीको सिर्जना हुने भएकाले यसको विकास अपरिहार्य भएकोमा स्थानीयले जोड दिएका छन् ।
यस क्षेत्रको विकासले खासगरी लुम्बिनी आउजाउ गर्ने पर्यटकको गतिलो गन्तव्य बन्न सक्ने देबुचुलीको विकासमा सबैको ध्यान पुग्नपर्ने पुग्ने पर्यटन पत्रकार मञ्च नवलपरासीका अध्यक्ष विद्रोही गिरीले बताउनुुभयो ।
स्थानीय प्रयासमा देबचुली डाँडाको टुप्पोमा भ्यूटावर निर्माण र त्यहाँ पुग्ने ढुङ्गेबाटो निर्माण भइसकेको छ । महेन्द्रराजमार्गको दलदले बजारबाट गाडीमा २० किलोमिटर यात्रा गरेर तीन घन्टा ठाडो उकालो चढेपछि देबचुलीमा पुग्न सकिन्छ । रासस