राष्ट्रियसभा सदस्यले लगाए प्रधानमन्त्रीले भारत भ्रमणको क्रममा राष्ट्रघाती नीति अवलम्वन गरेको आरोप

काठमाडौं— राष्ट्रियसभा सदस्यले प्रधानमन्त्री पुष्पकमल दाहाल प्रचण्डले भारत भ्रमणको क्रममा राष्ट्रघाती नीति अवलम्वन गरेको आरोप लगाएका छन् । बुधबारको राष्ट्रियसभा बैठकमा प्रधानमन्त्री प्रचण्डले भारत भ्रमणको बारेमा जानकारी गराएपछि प्रश्न गरेका सांसदहरूले सीमाको विषय र ऊर्जाको विषयमा राष्ट्रघात हुने गरी कुराहरू उठेको बताए ।

सांसद भवगती न्यौपानेले भारत भ्रमण जानुभन्दा अगाडि राष्ट्रपतिबाट नागरिकता विधेयक प्रमाणीकरण गराएर प्रम प्रचण्डले नागरिकता विधेयक कोसेली लिएर भारत गएको आरोप लगाइन् । उनले ऊर्जा सम्झौता गर्दा फुकोट कर्णाली पनि भारतलाई सुम्पिनु राष्ट्रघात नीति भएको भन्दै चुक्ने र झुक्ने किन भयो भन्ने प्रश्न गरिन् ।

सांसद इन्दिरादेवी गौतमले पनि फुकोट कर्णाली हाइड्रो बनाउने सहमति भएको हो भने के सहमति भएको होरु नेपालले पानी कति प्राप्त गर्छरु भन्दै प्रश्न गरिन् । उनले व्यापार सन्धिको विषयमा समेत प्रश्न उठाइन् ।

यस्तै, सांसद रामचन्द्र राईले भारतीय संसद् भवनमा राखिएको नक्सामा नेपालको भूभाग राखिएको भन्दै यसमा कहिले स्पष्टीकरण सोध्ने भन्दै प्रश्न गरे ।

अर्का सांसद अनिता देवकोटाले भने सार्कको भविष्य के भयोरु शिखर सम्मेलन कहिले, कहाँ हुन्छरु भारतका प्रधानमन्त्रीसँग कुरा के भयो भन्दै प्रश्न गरिन् । उनले नयाँ एयर रुट र कालापानीबाट भारतीय सैनिक हटाउने कुरा के भयोरु अरु सीमा विवादमा कुरा के भयो भन्दै प्रश्न उठाइन् ।

सांसद जितेन्द्रनारायण देवले भने भारत भ्रमण युगान्तकारी र ऐतिहासिक भएको भन्दै प्रशंसा गरे । अर्का सांसदद्वय सारदादेवी भट्ट र भैरवसुन्दर श्रेष्ठले लिपुलेक, कालापानी साटेर बंगलादेशसँग जाने मार्गको विषय के हो भन्दै प्रश्न उठाए ।