नेकपा दिवस मनाउने तरखरमा एकीकृत समाजवादी

काठमाडौं । नेकपा एकीकृत समाजवादीले कम्युनिष्ट पार्टी स्थापना दिवस मनाउने तरखर गरिरहेको छ ।

नेपालमा २००६ साल वैशाख ९ गते पुष्पलाल श्रेष्ठको नेतृत्वमा नेपाल कम्युनिष्ट पार्टी स्थापना भएको हो । एकीकृत समाजवादीले त्यही दिनको अवसर पारेर वैशाख ९ गते नेकपा दिवस मनाउन लागेको हो ।

एकीकृत समाजवादी केन्द्रीय सचिवालय बैठकले वैशाख ९ गते देशव्यापी रूपमा पार्टी स्थापना दिवस मनाउने निर्णय गरेको प्रवक्ता जगन्नाथ खतिवडाले जानकारी दिनुभएको छ ।

प्रवक्ता खतिवडाका अनुसार त्यसदिन केन्द्रमा एउटा कार्यक्रम हुनेछ, प्रदेश र जिल्लामा पनि आ आफ्ना तवरबाट विभिन्न कार्यक्रम हुनेछन्।