प्रतिनिधिसभा बैठक आज पनि बस्दै, यस्तो छ कार्यसूची

काठमाडौं । प्रतिनिधिसभा बैठक आज पनि बस्दैछ । बैठक दिउँसो १ बजेदेखि हुने संघीय संसद सचिवालयले जनाएको छ ।

आजको बैठकमा प्रधानमन्त्रीले लोक सेवा आयोगको ६३ औं वार्षिक प्रतिवेदन पेश गर्ने कार्यसूची छ ।

बैठकमा सार्वजनिक सेवा प्रसारण विधेयक २०७८ र सुरक्षण मुद्रणसम्बन्धी विधेयक २०७८ का सम्बन्धमा राष्ट्रियसभाबाट प्राप्त सन्देशसहितको विध्येक टेबुल गर्ने कार्यसूची समेत रहेको संसद सचिवालयले जनाएको छ ।

संसद सचिवालयका अनुसार बैठकमा सभामुख देवराज घिमिरेले कार्यव्यवस्था परामर्श समितिमा सदस्य मनोनीत गर्ने सम्भावित कार्यसूची छ ।