राष्ट्रपति पौडल र चिनियाँ राजदूतबीच भेटवार्ता

काठमाडौं । राष्ट्रपति रामचन्द्र पौडलसँग नेपालका लागि चिनियाँ राजदूत छेन सङले शिष्टाचार भेटवार्ता गर्नुभएको छ ।

चिनियाँ राजदूत सङले राष्ट्रपतिलाई बुधबार शितलनिवासमा भेटवार्ता गर्नुभएको हो ।

राष्ट्रपति र चिनियाँ राजदूतबीच नेपाल र चीनबीचको द्विपक्षीय सम्बन्ध, पारस्परिक हित र चासोका विषयमा कुराकानी भएको राष्ट्रपति कार्यालयले जनाएको छ । ।

पौडेल २५ फागुनमा राष्ट्रपति भएपछि राजदूत सङले उहाँसँग पहिलोपटक भेटवार्ता गर्नुभएको हो ।