वामदेव माओवादी चिन्हबाट चुनाव लड्ने

काठमाडौं । नेकपा (एकता राष्ट्रिय अभियान) का संयोजक वामदेव गौतमले प्रतिनिधिसभा निर्वाचनमा उम्मेदवारी दिने घोषणा गरेका छन्।

गौतम अहिले राष्ट्रियसभा सदस्य छन्। गौतमले मंगलबार निर्वाचन आयोग परिसरमा संचारकर्मीसँग राष्ट्रियसभाबाट राजीनामा दिएर प्रतिनिधिसभामा उठ्ने बताएका हुन्।

गौतमले नेकपा माओवादी केन्द्रको चुनाव चिन्हबाट निर्वाचनमा सहभागी हुने निर्णय गरेका छन्। त्यसपछि निर्वाचन आयोगमा बाँकी कानुनी प्रक्रिया बुझ्नका लागि उनी पुगेका हुन्।

उनले गठबन्धनका सदस्य आफू नभएको बताए। ‘सत्ता गठब्रन्धन भन्दा गठबन्धनको प्रतिनिधित्व गर्नेगरी जानपर्यो, म त्यसरी जाँदिन्। मेरो गठबन्धन माओवादी केन्द्रसँग हो।’