बाजुरा बूढीगंगाको मेयर उपमेयरमा एमाले विजयी

काठमाडौं। बाजुराको बूढीगंगा नगरपालिका मेयर उपमेयरमा नेकपा एमाले विजयी भएको छ । मेयरमा एमालेका उम्मेदवार रामबहादुर बानियाँ निर्वाचित भएका छन् ।

बानियाँ नेपाली कांग्रेसका उम्मेदवार रङ्गबहादुर खातीलाई हराएर मेयर बनेका हुन् । बानियाँले ४ हजार ७७७ मत पाउँदा कांग्रेसका रंगबहादुर खाती ३ हजार ७७३ मतमा रोकिएका छन् । नगरमा उपमेयर पनि एमाले नै जितेको छ ।

उपमेयरमा एमालेकी मायाकुमारी खड्का विजयी भएकी छन् । खडका कांग्रेस उम्मेदवार रिता शाहीलाई हराएर उपमेयर बनेकी हुन् । उपमेयरमा एमालेकी मायाकुमारी खड्काले ४ हजार ७२७ र कांग्रेसकी रिता शाहीले ३ हजार ७५५ मत ल्याएका छन् । ।=

१० वटा वडा रहेको बूढीगंगामा एमालेले ७ वडाध्यक्षसहित मेयर र उपमेयर जितेको हो । बाँकी ३ वटा वडा भने नेपाली कांग्रेसले जितेको छ ।