नवनियुक्त मन्त्रीहरुको शपथ आज हुँदै

काठमाडौं । नवनियुक्त मन्त्रीहरुको शपथ आज सोमबार हुँदैछ । राष्ट्रपति विद्यादेवी भण्डारीले प्रधानमन्त्री शेरबहादुर देउवाको सिफारिसमा नेकपा एकीकृत समाजवादीबाट प्रस्ताव ४ मन्त्री र १ राज्यमन्त्री नियुक्त गर्नुभएको हो ।

एकीकृत समाजवादीको प्रस्तावमा संस्कृति पर्यटन तथा नागरिक उड्डयनमन्त्रीमा जीवनराम श्रेष्ठ, शहरी विकास मन्त्रीमा मेटमणि चौधरी, श्रम रोजगार तथा सामाजिक सुरक्षामन्त्रीमा शेरबहादुर कुँवर, स्वास्थ्य तथा जनसंख्या मन्त्रीमा भवानी खापुङ र स्वास्थ्य तथा जनसंख्या राज्यमन्त्रीमा हीरा केसी नियुक्त हुनुभएको हो ।

नवनियुक्त मन्त्रीहरुको शपथ सोमबार बिहान ११ बजेको लागि तय भएको छ । सोमबार बिहान ११ बजे शपथ ग्रहणका लागि खबर आएको नवनियुक्त मन्त्री मेटमणि चौधरीले जानकारी दिनुभएको छ । भोलि बिहान शपथ हुने भनिएको छ,’ उहाँले भन्नुभयो, ‘११ बजेको सपथका लागि साढे १० बजे आउनु भन्ने खबर पाएको छु।’