कम्युनिष्टहरू विदेशीका इसारामा नाच्दैनन् : अध्यक्ष नेपाल

काठमाडौं । पूर्व प्रधानमन्त्री तथा नेकपा एकीकृत समाजवादीका अध्यक्ष माधवकुमार नेपालले कम्युनिष्टहरु विदेशी सामु झुक्न नहुने बताउनु भएको छ । अध्यक्ष नेपालले शुक्रबार एकीकृत समाजवादीको पोलिटब्यूरो बैठकमा कम्युनिष्टहरु राष्ट्र, राष्ट्रियताको रक्षा, राष्ट्रको मर्यादामा रहने कुरालाई केन्द्रबिन्दुमा राखेर अघि बढ्नुपर्ने धारणा व्यक्त गर्नुभयो ।

‘हाम्रो दिमागमा तीनवटा कुरा सदैव रहनुपर्छ। आफ्नो देश, राष्ट्र, राष्ट्रप्रतिको समर्पण भाव, देशभक्तिको भावना यसबाट हामी विचलित हुन सक्दैनौँ। कम्युनिष्ट पार्टी र कम्युनिष्ट आन्दोलनले देशभक्तिलाई महत्त्व दिन्छु उहाँले भन्नुभयो( विदेशीहरुको सामु लम्पसार पर्दैन । विदेशीहरुका सामु घुँडा टेक्दैन। विदेशीका इसारामा नाच्दैन। विदेशीहरुको स्वादमा चल्दैन। आफ्नो देश, आफ्नो राष्ट्र, राष्ट्रियताको रक्षा, राष्ट्रको मर्यादामा रहने कुरालाई केन्द्रबिन्दुमा राख्छ। फलस्वरूप जनताको विश्वास हामी जित्न सक्छौँ।’