FLASH NEWS
  • Loading...

पर्यटन मन्त्री आलेलाई पदबाट बर्खास्त गर्न माग

  • गोल्डेन खबर
  • २ साल अघि
  • १७७ पटक पढिएको
पर्यटन मन्त्री आलेलाई पदबाट बर्खास्त गर्न माग

काठमाडौं । पर्यटन व्यवसायीहरुले संस्कृति, पर्यटन तथा नागरिक उडडयनमन्त्री प्रेम आलेलाई पदबाट बर्खास्त गर्न माग गरेका छन् । मन्त्री आलेले अश्लील बोलेको अर्को अडिओ बाहिरिएपछि नेपाल पर्यटन व्यवसायी संघ, नेपाल पर्यटन व्यवसायी संगठन र नेपाल राष्ट्रिय पर्यटन व्यवसायी संगठनमा आवद्ध व्यवसायीले मन्त्री आलेलाई बर्खास्त गर्न माग गरेका हुन् ।

पर्यटन सम्वद्ध तीन वटै संगठनले संयुक्त विज्ञप्तिमार्फत प्रधानमन्त्री शेरबहादुर देउवासमक्ष आलेलाई बर्खास्तको माग गरेको हो ।मन्त्री प्रेम आलेले विगतदेखि वर्तमानसम्म सर्वसाधारणदेखि मातहतका कर्मचारीमाथि असभ्य र अश्लील गाली बेइज्जती र गुण्डागर्दी पदीय मर्यादा र जिम्मेवारीविरुद्ध रहेको भन्दै ती संगठनले आपत्ति जनाएका छन् ।

‘आफ्ना कार्यकर्ताहरूलाई जागिर नलगाएको भन्दै नेपाल वायुसेवा निगमका कार्यकारी अध्यक्ष युवराज अधिकारीलाई आफ्नो कार्यकक्षमा बोलाएर हातपात गर्नुसम्मका दुर्व्यवहारजन्य र मन्त्री प्रेम आले एकपछि अर्को विवादमा मुछिदै स्वयम् इतिहास बद्नाम मन्त्री भएकै छन् तर सरकार र हामी निजी क्षेत्रले समेत शिर निहुराउनु पर्ने लज्जास्पद अवस्था सृजना भएको छ’, विज्ञप्तिमा लेखिएको छ ।

संगठनले लुम्बिनी विकास कोषको गुरुयोजनामा मन्त्री आलेले चलखेल गरेको आरोप समेत लगाएका छन् । ‘लुम्बिनी विकास कोषको गुरुयोजना अनुसार आध्यात्मिक अभ्यासका लागि छुट्याइएको लुम्बिनी ग्रामको चार बिघा क्षेत्रलाई मन परेको व्यवसाय कम्पनीसँग सीधै प्रस्ताव माग गरेर कुनै प्रक्रिया नै पूरा नगरी व्यावसायिक रिसोर्टको अनुमतिको ठाडो आदेश दिने मन्त्री आलेको नियतमाथि पनि निजी क्षेत्र सशंकित छौं विज्ञप्तिमा उल्लेख छ ।

तपाइंलाई यो खबर पढेर कस्तो लाग्यो? मन पर्यो
मन पर्यो खुशी अचम्म उत्साहित दुखी आक्रोशित