- Loading...
प्रधानमन्त्री, कांग्रेस, माओवादी र मोर्चाबीच वार्ता
- गोल्डेन खबर
- ७ साल अघि
- ८४ पटक पढिएको
![Post Thumbnail](https://www.goldenkhabar.com/wp-content/themes/goji-2023/img/default.png)
काठमाडौं, १७ फागुन । संविधान संशोधन र स्थानीय निर्वाचनका विषयमा छलफल गर्न प्रधानमन्त्री पुष्पकमल दाहालले नेपाली कांग्रेस, आफ्नो दल माओवादी केन्द्र र संयुक्त लोकतान्त्रिक मधेसी मोर्चाका नेताहरूलाई बोलाएका छन् ।
प्रधनमन्त्री निवास बालुवाटारमा हुने छलफलमा संविधान संशोधनको विधेयक परिमार्जनसहित पारित गराउने विषयमा केन्द्रित हुन सक्ने राष्ट्रिय मधेस समाजवादी पार्टीका महासचिव एवम् प्रवक्ता केशव झाले जानकारी दिए । उनले भने, ‘मोर्चाका तर्फबाट संविधान संशोधन विधेयकमा संशोधन प्रस्ताव दर्ता भएको छ । त्यसलाई पारित गराउन दबाब दिने छौँ ।’
मधेसी मोर्चाका केही शीर्ष नेताहरूसँग सोमबार भएको छलफलमा प्रधानमन्त्री दाहालले स्थानीय निर्वाचनपछि संविधान संशोधनलाई अगाडि बढाउने प्रस्ताव गरेका थिए । तर, मोर्चाले ठाडै अस्वीकार गरिदिएको थियो ।
एमालेसहितका नौ दलीय विपक्षी गठबन्धनको दबाब र असहयोग भइरहेका बेला प्रधानमन्त्री दाहालले संशोधन विधेयकका विषयमा छलफल गर्न कांग्रेस, मधेसी मोर्चा र आफ्नो दल माओवादी केन्द्रका नेताहरूलाई बोलाएका हुन् ।