थप १३० जनामा कोरोना संक्रमण

आइतबार थप १३० जनामा कोरोना संक्रमण देखिएको छ । स्वास्थ्य तथा जनसंख्या मन्त्रालयका अनुसार कुल संक्रमितको संख्या १८ हजार ६१३ पुगेको छ ।

अहिलेसम्‍म १३ हजार १२८ जना निको भएर घर फर्किसकेका छन् ।

पछिल्लो २४ घण्टामा कोरोना संक्रमणमुक्त भएर ७५ जना डिस्चार्ज भएका छन्। योसहित हालसम्म कोरोना संक्रमण मुक्त हुनेको संख्या १३ हजार १२८ पुगेको छ।

हाल नेपालमा कोरोना संक्रमण पुष्टि भएर आइसोलेसनमा रहेका व्यक्तिको संख्या ५ हजार ४४० रहेको छ।

अहिले देशभरका विभिन्न क्वारेन्टिनमा १७ हजार ९०३ रहेको स्वास्थ्य तथा जनसंख्या मन्त्रालयले जानकारी दिएको छ।