ब्राउन सुगरसहित घरबाटै सिरहाका एकजना पक्राउ

सिरहामा लागुऔषध ब्राउन सुगरसहित एकजना पक्राउ परेका छन् । बिक्रीका लागि आफ्नै घरमा लुकाई राखेको अवस्थामा ब्राउन सुगरसहित एकजना पक्राउ परेको सिरहाका प्रहरी प्रवक्ता प्रहरी नायव उपरीक्षक विनोद घिमिरेले जानकारी दिए ।

पुर्वेलाई ब्राउन सुगर जस्तो देखिने प्लाष्टिकको पोकामा १ ग्राम ३ सय मिलि ग्राम र लागुऔषध गाँजा ५५ ग्राम १ सय ४० मिलिग्रामसहित नियन्त्रणमा लिएको सिरहा प्रहरीले जनाएको छ । पुर्वेलाई इलाका प्रहरी कार्यालय गोलबजार सिरहामा राखि थप अनुसन्धान थालेको सिरहा प्रहरीले जनाएको छ ।

इलाका प्रहरी कार्यालय गोलबजार सिरहाबाट खटेको प्रहरी टोलीले गोलबजार नगरपालिका वडा नं। १ का ३३ वर्षीय अरुण कुमार पुर्वेलाई उनको आफ्नै घरबाट बिक्रीका लागि राखेको अवस्थामा बुधबार साँझ पौने सात बजे नियन्त्रणमा लिएको हो ।