यस्तो छ आजको मौसम

मौसम पूर्वानुमान महाशाखाले शनिबारको मौसम पूर्वानुमान जारी गरेको छ । शनिबारको मौसम पूर्वानुमान जारी गर्दै महाशाखाले हाल नेपालमा पश्चिमी निम्न चापिय प्रणालीको प्रभाव रहेको जनाएको छ ।

यसैगरी, अहिले देशभरी नै आंशिकदेखि सामान्य बदली रही पश्चिम र मध्य भू-भागका केहि स्थानहरुमा हल्का वर्षा भइरहेको पूर्वानुमानमा उल्लेख छ ।

त्यस्तै, शनिबार दिउँसो भने देशको पहाडी भू–भागमा आंशिक बदली रही बाँकी भू–भागमा मौसम सामान्यतया सफा हुने देखिन्छ।

राति भने देशभर मौसम सामान्यतया सफा हुने सम्भावना रहेको छ ।