मदिरा सेवन गरी रेस्टुरेन्टका संचालकमाथि दुर्व्यवहार गर्ने असई पक्राउ

काठमाडौं नेपाल प्रहरीका सहायक प्रहरी निरीक्षक  असई प्रकाउ परेका छन्। पक्राउ पर्नेमा महानगरीय अपराध महाशाखामा कार्यरत कपिल शाही रहेका छन्। उनलाई बानेश्वर प्रहरीले पक्राउ गरेको हो। मंगलबार साँझ बानेश्वरमा रहेको डिलक्स रेस्टुरेन्टमा मदिरा सेवन गरेर संचालकमाथि नै दुर्व्यवहार गरेपछि होटल संचालकले प्रहरीलाई खबर गरेका थिए। सूचना पाएलगत्तै महानगरीय प्रहरी वृत्त नयाँ बानेश्वरको टोलीले शाहीलाई पक्राउ गरेको हो। प्रहरीले अर्का एकजना भुपेन्द्र शाहीलाई समेत पक्राउ गरेको बानेश्वर प्रहरीले जनाएको छ।