राहुल गान्धीकी बहिनी प्रियंका गान्धी सक्रिय राजनीतिमा

राहुल गान्धीकी बहिनी सक्रिय राजनीतिमा आएकी छन् । केही महिनापछि हुने आम चुनावअघि भारतीय कांग्रेसले राहुलकी बहिनी प्रियंकालाई पार्टीको प्रमुख जिम्मेवारी दिएको हो । कांग्रेसले प्रियंकालाई पार्टी महासचिवको जिम्मेवारी दिएको छ । उनले पूर्वी उत्तर प्रदेशको पार्टी कमान सम्हाल्ने जिम्मेवारी पाएकी छन् । प्रियंका गान्धीले महासचिवको जिम्मेवारी आउँदो फेब्रुअरीदेखि सम्हाल्ने छिन् ।कांग्रेसले पार्टीमा केही महत्वपूर्ण परिवर्तन गरेको छ । ज्योतिरादित्य सिंधिया पनि महासचिव बनेका छन् र उनले पश्चिमी उत्तर प्रदेशको जिम्मेवारी पाएका छन् । गुलाम नबी आजादलाई उत्तर प्रदेशबाट हटाएर हरियाणाको जिम्मेवारी दिइएको छ ।