रामेछापमा बस दुर्घटना एकजनाको मृत्यु

रामेछाप ।  जिल्लाको मन्थली नगरपालिका १ मच्छोडँडीमा यात्रुबाहक बस दुर्घटना हुँदा एकजनाको मृत्यु भएको छ। दुर्घटनामा १५ बढी घाइते भएको बताइएको छ। ओखलढुङ्गाको घोराखेरीबाट काठमाडौं जान लागेको बा ४ ख ४२१० नम्बरको अरनिको यातायातको सुपर गाडी दुर्घटना भएको हो। मृतकको पहिचान खुलिनसकेको साथै दुर्घटनाको थप विवरण आउन बाँकी रहेको जिल्ला प्रहरी कार्यालय रामेछापले जनाएको छ।