दाङमा बस दुर्घटना, २५ यात्रु घाइते

 बुटवल । दाङको तुलसीपुर १२ दमारगाउँमा भएको बस दुर्घटनामा २५ जना यात्रु घाइते भएका छन्  । आज दिउँसो तुलसीपुरबाट दमारगाउँतर्फ जादै गरेको रा १ ख ४९४ नम्वरको बस दुर्घटना भएको इलाका प्रहरी कार्यालय तुलसीपुरका प्रमुख प्रहरी नायव उपरीक्षक प्रेमबहादुर शाहीले जानकारी दिएका छन् । बसमा सवार २५ जना मध्य दुई जना गम्भीर रहेको प्रहरीले जानकारी दिएको छ । घाइतेहरुको अञ्चल अस्पताल तुलसीपुरमा उपचार भईरहेकोछ ।