एकै ओभरमा अन्तिम ३ खेलाडी रनआउट गर्दै मुम्बई इण्डियन्सले दिल्ली क्यापिटल्सलाई हरायो

मुम्बई इण्डियन्सले इण्डियन प्रिमियर लिग (आइपिएल) मा दिल्ली क्यापिटल्सको‌ अपराजित यात्रालाई पूर्ण विराम लगाइदिएको छ।

मुम्बईले‌ दिल्लीलाई १२ रनले हराएको छ। मुम्बईको‌ यो दोस्रो जित हो । २ सय ६ रनको लक्ष्य पछ्याएको मुम्बईले १९ ओभरमा सबै विकेट गुमाएर १ सय ९३ रन मात्र बनाउन सक्यो।

दिल्लीका एकै ओभरमा अन्तिम ३ खेलाडी रनआउट भएपछि जारी आइपिएलमा पहिलो हार बेहोरेको छ।

रनको खाता नखोली पहिलो विकेट गुमाएपनि अभिषेक पोरेल र करुण नायरले दोस्रो विकेटका लागि १ सय १९ रनको साझेदारी गर्दै दिल्लीलाई बलियो अवस्थामा पुर्याएका थिए । तर त्यसपछिका ब्याटरले इनिङ सम्हाल्न सकेनन्।

नायरले ४० बलमा १२ चौका र ५ छक्कासहित ८९ रनको महत्वपूर्ण इनिङ खेले। पोरेलले २५ बलमा ३ चौका र १ छक्कामा ३२ रन जोडे।

केएल राउल १५, आशुतोष शर्मा १७ , विपराज निगम १४ रन बनाएर आउट भए । अन्य ब्याटरले दोहोरो अंकमा रन बनाउन सकेनन्।

मुम्बईका करन शर्माले ३, मिचेल सान्टनेरले‌ २, दीपक चेहेर र जसप्रति बुमराहले समान १ विकेट लिए।

त्यस अघि अरुण जेटली स्टेडियममा टस जितेर दिल्लीले फिल्डिङ रोज्यो। २० ओभरमा ५ विकेट गुमाउँदै २ सय ५ रन जोड्यो।

ओपनर रोहित शर्मा १८ रनमा आउट हुँदा मुम्बईले ४७ रन जोडेको थियो। अर्का ओपनर रायन रिक्लट्न ४१ रनमा पबिलियन फर्किए।

त्यसपछि सूर्य कुमार यादव र तिलक वर्माले तेस्रो विकेटको लागि ६० रनको साझेदारी गरे। सूर्य कुमार ४० रन जोडेर आउट भए। हार्दिक पाण्ड्याले मात्र २ रन बनाए।

तिलकले भने अर्धशतक बनाए। ३३ बल खेल्दै ६ चौका र ३ छक्का सहित ५९ रनको पारी खेले। नमन धिरले १७ बल खेल्दै अविजित ३८ रन बनाए। बलिङमा विपराज निगम, कुलदीप यादवले समान २ र महेश कुमारले विकेट लिए।

५ खेलमा ८ अंक जोडेको दिल्ली अंक तालिकाको दोस्रो स्थानमा झरेको छ । मुम्बई ६ खेलमा ४ अंकसहित सातौं स्थानमा उक्लिएको छ।