युनाइटेड र आर्सनलको बराबरी

आर्सनल र म्यानचेस्टर युनाइटेडले इंग्लिस प्रिमियर लिगमा आइतवार बराबरी खेलेका छन्।

आर्सनल र युनाइटेडबिचको खेल १-१ को बराबरीमा टुंगिएको हो । घरेलु मैदानमा अग्रता जोगाउन नसक्दा युनाइटेड बराबरीमा रोकियो ।

युनाइटेडका लागि पहिलो हाफको इन्ज्युरी समयमा बुर्नो फर्नाडेसले गोल गरेका थिए । उनले पेनाल्टी बक्स बाहिर फ्रिकिकमा गोल गरेका हुन्।

तर, ७४औं मिनेटमा आर्सनलका डिक्लेन रिचले गोल गरेपछि खेलमा बराबरी भयो ।

आर्सनल २८ खेलमा ५५ अंकका साथ दोस्रो स्थानमा कायमै छ । समान खेलमा युनाइटेड ३४ अंकका साथ १४औं स्थानमा छ । एक खेल‌ बढी खेलेको शीर्ष स्थानको लिभरपुलको आर्सनलको भन्दा १५ अंक बढी छ।

आइतवार चेल्सीले लेस्टर सिटीलाई १-० ले पराजित गर्यो । टोटनहम र बर्नमाउथले २-२ बराबरीमा खेले ।