रियलसँग एट्लेटिको पराजित

रियल म्याड्रिड ले एट्लेटिको मड्रिडविरुद्ध च्याम्पियन्स लिग अन्तिम-१६ को पहिलो लेगमा अग्रता लिएको छ।

ब्राहिम डियाजको निर्णयक गोलमा रियलले एट्लेटिकोलाई मंगलवार २-१ ले हराएको छ । रियलका लागि पहिलो गोल रोड्रिगो गरे। एट्लेटिकोका लागि जुलियन अल्भारेज गोल गरे।

घरेलुु मैदानमा रोड्रिगोले चौथो मिनेटमा नै टोलीलाई अग्रता दिलाए। ३२ औं मिनेटमा अल्भारेजले गोल गरे । उनको प्रहार पोस्टमा ठोक्किएर रियलका गोलकिपर थिबाउट कोर्टुवा लाई पार गर्दै गोलमा परिणत गरेको थियो।

दोस्रो हाफमा एट्लेटिको खेलमा हावी हुन थालेको देखिन्थ्यो । तर त्यसैबेला डियाजले ५५ औं मिनेटमा गोल गर्दै रियललाई अघि बढाए। त्यहि खेलको निर्णायक गोल बन्यो।

दोस्रो लेग आगामी अर्को साता १५ किलोमिटर टाढा मेट्रोपोलिटानो स्टेडियममा हुनेछ।