- एमाले सांसद रघुजी पन्तद्वारा राप्रपाका सांसद शाहीलाई लक्ष्य गर्दै बहस गर्ने हो भने इतिहास पढेर आउन आग्रह |
- केही नेता उत्पादन गर्न लाखौं विद्यार्थीहरूको भविष्य जोखिममा पारियोः स्वर्णिम वाग्ले |
- मुम्बई इन्डियन्सले जित्यो दोश्रो पटक महिला प्रिमियर लिग (डब्लुपिएल) को उपाधि |
- राप्रपा केन्द्रीय कार्य सम्पादन समितिको बैठक बस्दै |
- प्रतिनिधि सभा बैठक बस्दै, यस्ता छन् कार्यसूची |
फोर नेशन्स कप: नेपाल र कीर्गिस्तान आज प्रतिस्पर्धा गर्दै
- गोल्डेन खबर
- ३ हप्ता अघि
- २९ पटक पढिएको

फोर नेसन्स अन्तर्राष्ट्रिय महिला फुटबल प्रतियोगिताको आज दशरथ रंगशालामा सुरु हुँदैछ।
पहिलो दिन दुई खेल हुनेछन् । म्यानमार र लेबननबिचको खेल दिउँसो २ बजे सुरु हुनेछ। साँझ ६ बजे सुरु हुने खेलमा नेपाल र कीर्गिस्तानले प्रतिस्पर्धा गर्नेछन्।
नेपाली महिला फुटबल टोलीको सहभागिताको दायरा केहि बर्षयता फराकिलो बन्दै गएको छ । त्यसअघि दक्षिण एसियाली स्तर भन्दा माथिका कमै मात्र अवसर पाउथ्यो।
गत वर्ष साउदी अरब वाफ च्याम्पियनसिपको फाइनल पुगेयता नेपाली महिला टोलीको चर्चा थप चुलिएको र समर्थनको रुची बढेको देखिन्छ।
यसपटकको च्याम्पियन्सिपमा दक्षिण एसिया भन्दा बाहिरका टोलीसँघ घरेलु मैदानमा नै खेल हुँदा चासो बढ्नु स्वाभाविक हो । मैत्रीपूर्ण नै किन नहोस् समर्थकहरु महिला टोलीले उपाधि जितेको हेर्न चाहिरहेका छन् ।
स्वदेशमै साफ च्याम्पियनसिपमा लगातार दुई पटक उपाधि जित्ने मौका गुमाएको नेपाली टोलीले यो च्याम्पियनसिपको उपाधि जितेको खण्डमा त्यसले लगातार उपाधि विमुख हुनुपरेको पीडामा थोरै मल्हमको काम गर्न सक्छ।
उपाधि जित्ने सम्भावनालाई बलियो बनाउन आज कीर्गिस्तानसँगको खेलमा विजयी सुरुवात गर्नेु पर्ने हुन्छ। म्यानमार र लेबनन बलियो टोलीमा पर्छन् ।
६ वर्ष अघि नादेज्दा कपमा नेपालले कीर्गिस्तानलाई ८-२ ले हराएको थियो। कीर्गिस्तानलाई अहिले त्यहि नजरले हर्न मिल्दैन।
वाफमा लेबननलाई मुस्किलले हराएको नेपालले म्यानमार लाई ४ पटकको खेलमा अहिले सम्म हराउन सकेको छैन। नेपाली टोलीकका लागि यसपटक जति चुनौती छ त्यो भन्दा बढी अवसर पनि छ। यसलाई टोलीले कसरी उपयोग गर्छ त्यो हेर्न पाइनेछ।