बंगलादेशमा आज १५ सदस्यीय अन्तरिम सरकार गठन हुँदै

काठमाडौं । बंगलादेशमा आज औपचारिक रुपमा अन्तरिम सरकार गठन हुने भएको छ । नोबेल पुरस्कार विजेता मुहम्मद यूनुसको नेतृत्वमा १५ सदस्यीय मन्त्रिपरिषद गठन हुने र राति साढे ८ बजे शपथ ग्रहण हुने बंगलादेशी सञ्चारमाध्यमहरुले उल्लेख गरेका छन् ।

युरोपमा बस्दै आएका यूनुस आज दिउँसो ३ बजे पेरिस हुँदै बंगलादेश पुग्नेछन् । ढाका ट्रिब्यूनका अनुसार शपथ समारोहमा झण्डै ४ सयजना सहभागी हुने अनुमान छ ।

आरक्षण विरोधी आन्दोलनबाट सुरु भएको बंगलादेशको विद्रोहले सोमबार प्रधानमन्त्री शेख हसिनालाई पदच्यूत गराएको थियो ।हसिनाले राजीनामा दिएर निर्वासनमा हिँडेपछि सेनाले नयाँ सरकार गठनको समन्वय गरिरहेको छ ।