नुवाकोटमा हेलिकप्टर दुर्घटना: ५ जनाको शव फेला

काठमाडौं । नुवाकोटको शिवपुरी स्थित सूर्यचौरमा हेलिकप्टर दुर्घटना हुँदा ५ जनाको मृत्यु भएको छ ।

बुधबार दिउँसो काठमाडौंबाट रसुवातर्फ उडेको एयर डाइनेष्टीको नाइन एन–एजेडी कलसाइन भएको हेलिकप्टर दुर्घटनामा परेको हो ।

यो हेलिकप्टर काठमाडौंबाट १ बजेर ५४ मिनेटमा उडेको थियो । उडेको तीन मिनेटपछि हेलिकप्टर सम्पर्कविहीन भएको थियो ।

जिल्ला प्रहरी कार्यालय नुवाकोटका डिएसपी तिलक भारतीका अनुसार घटनास्थलमा पाँच जनाको शव फेला परेको छ । ‘चार जनायात्रु र एक जना पाइलटको शव घटनास्थलमा फेला परेको उनले जानकारी दिएका छन् ।