काभा महिला लिग : उपाधिका लागि नेपाल भारतसँग भिड्दै

काठमाडौँ । काभा वुमन्स नेसन्स लिग भलिबलको दोस्रो सेमिफाइनलमा इरानलाई सोझो सेटमा पराजित गर्दै नेपाल फाइनल प्रवेश गरेको छ । 

त्रिपुरेश्वरस्थित राखेपको कभर्डहलमा भएको खेलमा नेपालले इरानलाई २५–२१‚ २८–२६ र २५–२० ले सोझो सेटमा पराजित गरेको हो । 

नेपालको जितमा आज निरुता ठगुन्ना‚ उषा भण्डारी‚ साफिया पुन र सरस्वती चौधरीले खेलमा उत्कृष्ट प्रदर्शन गरे ।

आजको जितसँगै नेपालले समूह चरणमा इरानसँग भोगेको हारको साटो फेरेको छ । अब नेपालले उपाधिका लागि भोलि भारतसँगप्रतिस्पर्धा गर्नेछ । यसैगरी तेस्रो स्थानका लागि इरान र श्रीलंकाबीच पनि भोलि नै खेल हुनेछ । आजै भएको पहिलो सेमिफाइनलमाश्रीलंकालाई हराउँदै भारत फाइनलमा पुगिसकेको छ ।