कर्णाली प्रदेशका मुख्यमन्त्री कँडेलले पाए विश्वासको मत, पक्षमा २३ विपक्षमा १४ मत

सुर्खेत । कर्णाली प्रदेशका मुख्यमन्त्री यामलाल कँडेलले विश्वासको मत पाएका छन् । सोमबार बसेको प्रदेशसभा बैठकमा मुख्यमन्त्री कँडेललाई एमाले र कांग्रेसका २३ सांसदले विश्वासको मतमा मत दिएका छन् भने १४ जनाले विपक्षमा मतदान गरेका छन् ।

संविधानको धारा १८८ (२) अनुसार मुख्यमन्त्री कँडेलले सोमबार विश्वासको मत लिएका छन् । केन्द्रमा सत्ता समीकरण बदलिएसँगै मुख्यमन्त्री कँडेलले दोस्रो पटक विश्वासको मत लिएका हुन् ।