आईसीसी लिग-२ : बन्द प्रशिक्षणमा २२ खेलाडीको नाम सार्वजनिक

काठमाडौँ । नेपाल क्रिकेट संघ क्यानले आईसीसी पुरुष क्रिकेट विश्वकप लिग–२ का लागि खेलाडीलाई बन्द प्रशिक्षणमा बोलाएको छ । 

क्यानले आज एक सूचना जारी गर्दै आगामी सेप्टेम्बरमा क्यानडामा हुने विश्वकप लिग–२ का लागि २२ जना खेलाडीहरुलाई बन्दप्रशिक्षणमा बोलाएको हो । 

बन्द प्रशिक्षणमा कप्तान रोहित पौडेलसँगै कुशल भुर्तेल, आशिफ शेख, अनिल शाह, देव खनाल, भीम सार्की, आरिफ शेख, कुशलमल्ल, दीपेन्द्रसिंह ऐरी, अर्जुन साउद र सोमपाल कामी समावेश छन् । 

करण केसी, गुल्शन झा, कमलसिंह ऐरी, रिजन ढकाल, सन्दीप लामिछाने, ललित राजवंशी, सूर्य तामाङ, बसिर अहमद, आकाश चन्द, सागर ढकाल र सन्दीप जोरा रहेका छन् ।