- Loading...
अझै भेटिएनन् त्रिशूलीमा बेपत्ता २ बस र ३७ यात्रु
- गोल्डेन खबर
- १ महिना अघि
- ४३ पटक पढिएको
![IMG_1615 अझै भेटिएनन् त्रिशूलीमा बेपत्ता २ बस र ३७ यात्रु](https://www.goldenkhabar.com/wp-content/uploads/2024/07/IMG_1615.jpeg)
चितवन । नारायणगढ मुग्लिङ सडकखण्ड अन्तर्गत सिमलतालमा पहिरोले बगाएर त्रिशूली नदीमा बेपत्ता भएका बस र यात्रुको खोजी लागिभारतीय टोली आएको ६ दिन पुगेको छ ।
एक साताको लागि भनेर आएको उद्धार टोलीबाट पनि अहिलेसम्म केही उपलब्धि नभएको सशस्त्र प्रहरी बलका डीएसपी शैलन्द्र थापालेबताए । केही उपलब्धि नलागेसँगै उद्धार टोली फर्किने या थप समय बस्ने भन्नेबारे छलफल भइरहेको उनले जानकारी दिए ।
भारतबाट ल्याइएको ३ सोनार डिभाइस, ४ जना गोताखोर र अन्य प्राविधिक टोलीसहित नेपाली सुरक्षाकर्मी खोजीमा निरन्तर जुटिरहेकाछन् । गत असार २८ गते बिहानदेखि त्रिशुलीमा बेपत्ता बस अझै भेटिएका छैनन् ।
बससँगै हराइरहेका ६२ यात्रुमध्ये हालसम्म २५ जनाको शव भेटिएको छ। तीमध्ये १८ जनाको सनाखत भएको जिल्ला प्रहरी कार्यालयचितवनका डीएसपी श्रीराम भण्डारीले जानकारी दिए । ३७ जना अझै बेपत्ता छन् । दुवै बसमा गरी ६५ यात्रु रहेकामा ३ जना पौडिएरबाँचेका थिए ।