एसिया कप खेलेर नेपाली महिला क्रिकेट टोली स्वदेश फर्कियो

काठमाडौं । टी–२० एसिया कप खेलेर नेपाली महिला राष्ट्रिय क्रिकेट टोली स्वदेश फर्किएको छ । टोली श्रीलंकाबाट बिहीवार काठमाडौं आइपुगेको हो ।

टोलीलाई त्रिभुवन अन्तर्राष्ट्रिय विमानस्थलमा स्वागत गरिएको थियो ।  श्रीलंकामा जारी नवौँ महिला एसिया कप क्रिकेट प्रतियोगितामा नेपाल समूह चरणबाटै बाहिरिएको छ ।

अन्तिम खेलमा नेपाल मंगलवार बलियो टोली भारतसँग ८२ रनले पराजित भएसँगै प्रतियोगिताबाट बाहिरिएको थियो ।यसअघि पाकिस्तानसँग पनि पराजित बनेको नेपालले पहिलो खेलमा यूएईलाई भने हराएको थियो ।