- Loading...
आगामी चुनाव नलड्ने अमेरिकी राष्ट्रपति जो बाइडनको घोषणा
- गोल्डेन खबर
- १ महिना अघि
- ५५ पटक पढिएको
![IMG_1796 आगामी चुनाव नलड्ने अमेरिकी राष्ट्रपति जो बाइडनको घोषणा](https://www.goldenkhabar.com/wp-content/uploads/2024/07/IMG_1796.jpeg)
काठमाडौं । डेमोक्र्याटिक पार्टीभित्रैबाट बढ्दै गएको दबाबका कारण अमेरिकी राष्ट्रपति जो बाइडनले नोभेम्बरमा हुने राष्ट्रपतीय चुनावको दौडबाटपछि हट्ने निर्णय गरेको छन् । उनले रिपब्लिकन उम्मेदवार डनल्ड ट्रम्पसँग प्रतिस्पर्धा गर्न उपराष्ट्रपति कमला ह्यारिसलाई आफ्नो समर्थनरहने जनाएका छन् ।
८१ वर्षीय बाइडन अमेरिकाको इतिहासमा सबैभन्दा जेष्ठ राष्ट्रपति हुन् भने उनको कार्यकाल २० जनवरी २०२५ सम्म रहने छ । नोभेम्बरमाहुने राष्ट्रपतीय चुनावको दौडबाट पछि हट्ने निर्णय गर्रेका बाइडनले यसै साता राष्ट्रको नाममा सम्बोधन गर्ने जनाइको छ । गत सातामात्र कोभिड संक्रमित भएपछि बाइडन अहिले डेलावेयरस्थित आफ्नै घरमा छन् ।
सामाजिक सञ्जाल एक्सको एक पोस्टमा बाइडनले आफू पुनर्निर्वाचित हुन चाहे पनि आफ्नो पार्टी र देशका लागि आगामी चुनावीदौडबाट पछि हटेको उल्लेख गरेका छन् ।
बाइडनको पछिल्लो निर्णयले यस वर्षको ह्वाइट हाउस दौडमा अर्को मोड ल्याएको छ ।
जुन २७ मा भएको राष्ट्रपतीय बहस–प्रेसिडेन्सियल डिबेटमा डेमोक्र्याट बाइडनको प्रदर्शन निकै कमजोर रहेको थियो भने जुलाई १३ कोएक चुनावी सभामा रिपब्लिकन उम्मेदवार ट्रम्पमाथि गोली प्रहार भएको थियो ।