- Loading...
बंगलादेशलाई १ सय २३ करोडको बिजुली बेच्ने तयारीमा सरकार
- गोल्डेन खबर
- १ महिना अघि
- ११३ पटक पढिएको
![68594225 बंगलादेशलाई १ सय २३ करोडको बिजुली बेच्ने तयारीमा सरकार](https://www.goldenkhabar.com/wp-content/uploads/2024/07/68594225.webp)
काठमाडौं । नेपाल, भारत र बंगलादेशका मन्त्रीबीच विद्युत् व्यापारका लागि त्रिपक्षीय सम्झौताको तयारी गरिएको छ । तीन देशका मन्त्रीको उपस्थितिमा सम्झौता साउन १३ गते (जुलाई २८) मा विद्युत् व्यापार सम्झौता गर्न हुन लागेको ऊर्जा मन्त्रालयका प्रवक्ता नविनराज सिंहले जानकारी दिएका छन् । नेपालबाट उत्पादित ४० मेगावाट विद्युत् निर्यात हुने छ ।
नेपालका ऊर्जा, जलस्रोत तथा सिंचाइमन्त्री दीपक खड्का, बंगलादेशका ऊर्जा मन्त्री नस्रुल हमिद र भारतका पावर मिनिस्टर मनोहरलाल खट्टर बीच ऊर्जा सम्झौता हुन लागेको हो । सम्झौतामा भने नेपाल विद्युत् प्राधिकरण, एनभीभीएन भारत र बंगलादेश पावर डेभलप्मेन्ट बोर्ड (बीपीडीबी) बीच हुने छ ।
बीपीडीबीले २०८० पुस १६ गते नेपालबाट उत्पादित ४० मेगावाट विद्युत् बंगलादेश, भारत र नेपालका निकायहरुबीचको त्रिपक्षीय सम्झौता अनुसार ५ वर्षसम्म खरिदका लागि बोलपत्र (टेण्डर) आह्वान गरेको थियो । नेपाल प्राधिकरणले विद्युत् बिक्रीका लागि कागजात पेस गरेको थियो ।