- Loading...
अब एसइईमा दुईभन्दा बढी बिषयमा ‘नन ग्रेड’ ल्याएकाले पनि पूरक परीक्षा दिन पाउने
- गोल्डेन खबर
- २ महिना अघि
- १६३ पटक पढिएको
![NEB-oct अब एसइईमा दुईभन्दा बढी बिषयमा ‘नन ग्रेड’ ल्याएकाले पनि पूरक परीक्षा दिन पाउने](https://www.goldenkhabar.com/wp-content/uploads/2024/06/NEB-oct.jpg)
काठमाडौं । एसइईको नतिजामा दुईभन्दा बढी विषयमा ‘नन ग्रेड’ ल्याएका विद्यार्थीहरूले पनि पूरक परीक्षा दिन पाउने भएका छन् । शुक्रबार बसेको शिक्षा, विज्ञान तथा प्रविधि मन्त्रालयको बैठकले उक्त निर्णय गरेको हो ।
परीक्षा आगामि साउनमा हुनेछ । राष्ट्रिय परीक्षा बोर्ड, परीक्षा नियन्त्रण कार्यालयका अनुसार यसवर्ष ४७.८६ प्रतिशत मात्रै विद्यार्थी उत्तीर्ण भएका थिए । एसइईको २०८० सालको परीक्षामा ४ लाख ६४ हजार ७८५ जना विद्यार्थी सहभागी भएका थिए । परीक्षा नियन्त्रण कार्यालयका अनुसार जिपिए १.६० देखि २ ल्याउनेमा ६ जना विद्यार्थी छन् ।
यस्तै, २ देखि २.४० ल्याउनेमा २ हजार ९५०, २.४० देखि २.८० ल्याउनेमा ४१ हजार १७७, २.८० देखि ३.२० ल्याउनेमा ७८ हजार ८७४ जना विद्यार्थी छन् ।
यस्तै ६८ हजार २५६ जनाको ३.२० देखि ३.६० र ३.६० देखि ४ जिपिए ल्याउने विद्यार्थीको संख्या ३१ हजार २०९ रहेको कार्यालयले जनाएको छ । यस्तै २ लाख ४२ हजार ३१३ जना विद्यार्थी नन ग्रेडिङमा परेको कार्यालयले जानकारी दिएको छ ।