प्रधानमन्त्रीलाई कांग्रेस सांसद घिमिरेले भने : पार्टीको समर्थन पाएर मात्रै प्रधानमन्त्रीमा टिकिरहन्छु भन्ने नसोच्नु 

काठमाडौं – नेपाली कांग्रेसका सांसद श्यामकुमार घिमिरेले प्रधानमन्त्री पुष्पकमल दाहाल प्रचण्डलाई  उनले पार्टीको समर्थन पाएर मात्रै प्रधानमन्त्रीमा टिकिरहन्छु भन्ने नसोच्न प्रधानमन्त्री प्रचण्डलाई चेतावनी दिए

शुक्रवार प्रतिनिधिसभा बैठकमा बजेटमाथिको छलफलमा बोल्दै सांसद घिमिरेले   यसो भनेका हुन् ।

‘विगतको इतिहास हेर्नुभएकै छ। आफ्नै बहुमतको सरकार असफल भएको, पार्टी फुटेको। पार्टीभित्रै पनि चरम गुटबन्दी मौलाएको। हेक्का रहोस् यो गठबन्धको सरकार हो,’ उनले भने। सांसद घिमिरेले प्रचण्ड नेतृत्वको सरकारबाट अपेक्षा गरे अनुरुपको बजेट आउन नसकेको भन्दै असन्तुष्टि व्यक्त गरे । सांसदहरु आफ्नो निर्वाचन क्षेत्रमा बजेट विनियोजन गराउन मन्त्रालय धाउँदा–धाउँदा जुत्ताको तलुवा खिएको तर केही नपाएको उनको गुनासो छ।