बालेनको बेल्जियम भ्रमण मन्त्रिपरिषद्द्वारा स्वीकृत

काठमाडौं— काठमाडौं महानगरपालिकाका मेयर बालेन्द्र शाह (बालेन)को बेल्जियम भ्रमणलाई मन्त्रिपरिषद् बैठकले स्वीकृत गरेको छ ।

बुधबार बिहान बसेको मन्त्रिपरिषद् बैठकले मेयर शाहलाई जेठ २९ देखि ३२ गतेसम्म बेल्जियममा हुने विश्वका महानगरपालिकाहरूको सम्मेलनमा सहभागी हुन स्वीकृति प्रदान गरेको हो । काठमाडौं महानगरपालिकाका मेयर शाह ब्रसेल्समा हुने मेट्रोपोलिस वर्ल्ड कंग्रेस र ब्रसेल्स अर्बन समिट–२०२३ मा सहभागी हुन बेल्जियम जाने कार्यक्रम रहेको छ ।